一個人乘電梯的恐怖時刻

跟朋友吃晚飯,一邊說說工作上的難處,一邊說笑為自己打氣。吃完晚飯,好想吃甜的,經過haagen-dazs,點了個焦糖脆餅,吃得一臉幸福。 臨離開商場以前,我們在雜貨店逛了一圈,被無謂但可愛的東西吸引住。整個晚上,都過得好愉快。直到回到大廈,步入電梯的一刻……

一個人乘電梯大概是很多驚慄電影裡會出現的場景,每個人總會至少想像過一次,在電梯中可能遇上的恐怖事情。看過鬼片,就要擔心電梯裡要有靈異事件,會忽然跟某個未知的世界接通。新聞說有電梯急墮十層,假如你家大廈的電梯比較殘舊,可能也會擔心電梯忽然不升反降,命懸一線。這天晚上,我卻遇上我人生中十大最怕的事情之一。

我家的電梯裝潢偏向華麗,三面是鏡,及腰的位置有木做的扶手,電梯大門也是反光的金屬,平素打掃得一塵不染,入電梯後,我總是會禁不住望向倒映檢查一身裝扮是否穩當,頭髮有沒有太亂。而這天晚上,我照常踏入電梯,一個人,電梯的門關上,我第一時間看到的,不是自己的身影,卻是一頭小強!!!(x 100)

我生平最怕的是地球生物,小強跟老鼠並列頭位。偏偏這夜卻跟小強共處一室,牠飛,我尖叫,牠消失了蹤影,我又是尖叫。完全不能自己,明明喉嚨痛,還是放聲大叫起來。伸手想按向隨便一個樓層盡快離開狹逼的對峙,偏偏我手一伸牠就飛向我!(再 x 100)我再無勇氣伸手,只能繼續監視著牠的動向,邊祈求這一刻盡快成為過去。

電梯不住上升(這時我最恨自己住得太高),到了!一個箭步急忙衝出去,又被牠的一動嚇得尖叫起來,男友隔著大門也聽得見我在走廊上的尖叫,急急開門相迎,可是我一句話也說不出來。(太驚,無計。)

接下來的事,就是有點糗的被人猜中是被小強嚇成那樣。他先問「係咪俾野嚇親?」,我呆滯的就管哭,雙手僵硬捧在胸前,他又以為我是把手弄傷了(我前一天才把姆指夾傷),我還是呆,連搖一下頭都不會,他就猜中,啊,是小強吧。我猛點頭,好驚呀,好大隻呀。然後冷靜地給我開水,把豆豆抱給我,讓我摟著。摸著豆豆,才終於冷靜下來,安心下來。

等冷靜了才想起,電梯內有閉路電視,我那縮在一角怪異的反應,大概都被樓下的管理員看在眼裡了。人太膽小,就要活得比較困難吧-__-

廣告

21 thoughts on “一個人乘電梯的恐怖時刻

  1. lelapinamoureux 說道:

    know it’s very scary for you… but your writing is really amazing… =) like watching you live with “siu keung" in the elevator! (x6)

    • ahsimsim 說道:

      四腳蛇我已經克服了!!!!總不能怕太多東西,唯有揀d無咁驚既唻克服啦 :p

      (近年成功克服埋毛蟲類東西,只要不看著它就不怕了–>都算克服左吖)

  2. CHU 說道:

    話說以前我未嫁時(suppose你仍記得我房高床+書檯嘅陳設~), 訓到半夜, 我朦查查見到係書檯背後bo牆有個大黑影, 因為冇帶眼鏡呀嘛, 我烏前少少想睇清楚啦, 嘩~~~~~~~~ 登登登櫈~~~~~ 大大飛曱甴一隻, 我嚇到立刻尖叫, 飛埋落床tim!!! 試想想如果我訓咗, 佢冷埋嚟我就真係死俾佢睇. 全屋只有媽媽朱係唔驚小強, 0係我驚叫之下全屋人都醒晒, 媽咪仲要用咗半個鐘先"制服"佢jar!!!

    so! 我唔會覺得你太大反應! hahahaha! =D

    • ahsimsim 說道:

      你真係好明白我!!!!!!!!!!
      咁真係好得人驚,俾著我都一定要解決左先,唔殺生都想辦法令佢離開我間屋先,我好著緊屋企果d防小強野,留心住幾時過期,因為好驚佢地會出現晌我面前 >..<

      ps 如果而家再有咁既事發生,你要留心住小寶呀!唔好俾佢同小強玩呀!

  3. 說道:

    俾著我反應會更大!!!!!!
    我晌舊屋都試過見到小強,
    平時屋企唔會有小強架嘛,點知深夜時份晌廳中出現,
    我即刻摷醒我媽媽,叫佢處理,
    點知隻嘢好敏捷,匿埋左,
    我媽媽竟然話眼瞓,唔願搵,唔理喇!!!!!!
    仲叫我瞓!!!!!!
    我無辦法由得佢晌屋裡面,鼓起最大勇氣捲起雜誌等佢出唻,
    終於…佢出唻喇!我出手一打落去,情不自禁擘大喉嚨狂叫!
    嚇到我媽媽醒返!
    雖然隻嘢死左,但係我無法容忍將佢條屍掉落垃圾桶或者沖走佢,
    即刻衝出門口掉去垃圾房,
    一開門見到個鄰居都開左門,驚驚青青問我有冇事…
    大概佢以為我斬左人或者俾人斬…

    • ahsimsim 說道:

      你媽媽好好笑呀 XD
      我估你鄰居一定好驚,其實我都怕俾鄰居聽到我果下尖叫,連佢隔住屋企大門都聽到,隔離屋一定都會聽到….

      不過你鄰居好好喎,會出唻關心一下!有時我聽見有人大叫,都會好擔心,因為以前試過類似情況,半夜聽見樓下有女人大叫,即刻撲去騎樓睇下,如果有人非禮!我地立即打電話報警,原來已經有人報左,好快有警察出現,個男人好衰,猛過識個女仔,個女仔歇斯底里大叫話「我唔識佢架!」

      呢件事好深刻,好在有人更快手幫佢報左警,鄰居真係要守望相助 🙂

    • ahsimsim 說道:

      或者應該說,這是我的正常反應吧 :p
      (我要克服的事情還真不少,這個暫時可見的未來,都克服不來,唯有再排隊,或者有天我可以,或者這輩子也不行)

  4. 大家姐 說道:

    飛小強!!! 可以話係地球最恐怖的十大生物之一, 所以今次我都唔會怪你, 雖然你啲反應真係誇張咗少少, 不過咁多姊妹撐你, 你都唔使覺得自己好無用o既.

    如果下次再遇見佢哋, 而你得一個人喺屋企, 可以試吓用噴壺裝的清潔劑當槍咁係咁對住佢射, 佢好快會被消滅架! 呢個方法好好用, 一來同敵人可以保持一個較遠距離, 二來佢死時都係完整o既, 唔使見到佢啲穿腸爛肚嘔心樣, 而且清潔劑一抹就得, 慳番清潔地方洗拖鞋的時間.

    任何一種會起泡的清潔劑都得架, 啲泡會困住佢, 減慢佢的逃走速度, 當佢被困泡中, 你可以加多幾錢肉緊噴多啲泡cover佢, 佢就會窒息而死架喇, 記得佢啲呼吸孔係生喺腹部兩旁o既, 如果勁大隻就先噴佢個肚啦! 我屋企有枝唔好用o既抹窗清潔劑基本上只係用嚟噴小強~ 好用過殺蟲水!!!

    p.s.我真係愈嚟愈鐘意曾保叔叔!

    • ahsimsim 說道:

      但係我屋企有豆豆,如果小強晌屋企出現,不能用那些化學東西呢,怕牠好奇之下會去嗅,吃下肚子還會有毒 >..<
      (千其唔好晌屋企出現小強呀真係!!!)

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s